Nji cuentaꞌ video na nntꞌom ñꞌom na conaꞌni nꞌaⁿngue Nꞌañꞌiaⁿ Tyuasndaꞌ cuenta nꞌaⁿ na coꞌo cuicheⁿ tyua na yom Tyua Nandye cotyijndihaꞌ quio tsꞌiaⁿ mi cuenta chaꞌtso nꞌaⁿ ntyuasndaꞌ na mꞌaⁿ tyua ba, taꞌnantjoⁿaꞌ ñingeꞌñi jnuiꞌe na tyꞌehe:
1) Nom quio xueꞌ tsꞌaⁿ. Batsꞌiaⁿ cuenta nꞌaⁿ na coꞌo cuicheⁿ tyua, joꞌ ya nngoñomꞌ tsom na ya nncjaꞌ cuicheⁿ tyua, cui matrícula ndoꞌ ya nncwjiꞌ tsom lesión ꞌnaꞌ quio na ya nntyioꞌ ñꞌiaⁿ nꞌaⁿ Tyuasndaꞌ. Na ndye nom mi naꞌxuaⁿaꞌ xueꞌ na cande̱ꞌ quio na jnuiꞌnjinomꞌ. Ya nnguinꞌueꞌnomꞌ jaⁿꞌ njo Tyua Nandye na nntsinaꞌnom cui cuenta bꞌa na coñibe sꞌom, na nntsijndyoꞌnomꞌ cheque o na nntsicoꞌ ngue ꞌna ntsindaꞌ na nngꞌohe scuela. Cwjiꞌnomꞌ xue na ya nncjaꞌ batsꞌiaⁿ MEXITEL (1-877-639-4835) xaⁿna nꞌueꞌnom cuindyiꞌ nom mi.
2) Naꞌto ya nnuiꞌ tsom xueꞌ tsꞌaⁿ. Xaⁿna conuinomꞌ iscu o isꞌa tyuasndaꞌ ndoꞌ ntsindaꞌ tuiñi Tyua Nandye, ya nncwjiꞌ nom ngue ꞌnahe chaꞌna nꞌaⁿ tyuasndaꞌ, Batsꞌiaⁿ cuenta nꞌaⁿ na coꞌo cuicheⁿ tyua; quiajoꞌ nnuiñi nꞌaⁿ na ya nngꞌoⁿe na be ntyua. Mantyi ya nndyoꞌ Batsꞌiaⁿ cuenta nꞌaⁿ na coꞌo cuicheⁿ tyua xaⁿna na ñimacoꞌ ndoꞌ nꞌuetsꞌomꞌ na nnguicajnda na tomacoꞌ naquiꞌ Tyuasndaꞌ.
3) Na macuiñomꞌ. Cañjomꞌtsꞌomꞌ na taꞌnantjoⁿaꞌ chuyu saꞌ na jnuiꞌ tjaꞌ, yom nji na cotyiñomꞌ ꞌu naquiꞌ Tyua Nandye. Batsꞌiaⁿ na macuiñomꞌ nꞌaⁿ, macuiñomꞌaꞌ ꞌu ndoꞌ matyijndihaꞌ na matsijndaꞌñihaꞌ nomnde nꞌaⁿ. Mantyi ya nntyijndihaꞌ quio cui tsꞌaⁿ, na ya nntsijndaꞌñi nom tsꞌaⁿ quio nji ꞌnaꞌ batsꞌiaⁿ. Cjaꞌñjaꞌ Batsꞌiaⁿ cuenta nꞌaⁿ na coꞌo cuicheⁿ tyua, na ndyotyi ba quio naꞌto na mꞌaⁿꞌ, naꞌto ya nngoñomꞌ ñꞌom ñjaꞌnaꞌ tsꞌiaⁿ, xjeⁿ taꞌna ñingeꞌñi nntsitsuꞌ tsꞌiaⁿ, o xjeⁿ na tyiꞌjomnꞌua tsꞌiaⁿ na saꞌ; na nnguijndaꞌñi ñꞌom ñjaꞌnaꞌ na jnuiꞌ tjaꞌ ndoꞌ nnguinquio xaⁿna nnde̱ nnjoya nomꞌ ꞌnaꞌ na mꞌaⁿꞌ
Tyua Nandye; na nnguijndaꞌñi nꞌaⁿ ꞌnaꞌ tsꞌaⁿ na ñjomñi bancjo o na tyoconde̱ nnguijndaꞌñi; na taꞌnꞌue nnuiꞌjnaꞌñi nꞌaⁿ ndoꞌ tanꞌue nntjaꞌ nꞌaⁿ ntyjehe naꞌto na mꞌahe; na nngoñomꞌ tsꞌaⁿ sꞌom na ya nncuaꞌ ntsinda tsꞌaⁿ nquiꞌ na jnde̱ tyuiꞌ nom na toco, ndoꞌ ntꞌomcheⁿ.
4) Nꞌañꞌiaⁿ na Coñiꞌbe nom. Xaⁿna macaⁿaꞌ nntsijndaꞌnomꞌ cui ñꞌom quio nom nji ꞌnaꞌ batsꞌiaⁿ naquiꞌ Tyuasndaꞌ xaⁿjo xonde̱ nncjaꞌ nncuꞌyaꞌ, cui Batsꞌiaⁿ na Coñibe nom ya nntyijndihaꞌ ꞌu. Batsꞌiaⁿ na
Coñibe nom manquiahaꞌ nañja na cui tsꞌaⁿ na mꞌaⁿ Tyuasndaꞌ ya nncjacuiñjeꞌ cuentaꞌ, na nntsijndaꞌñi ñꞌom chaꞌna nnguibe tsom chuyu nꞌuetsꞌomꞌ na nnui, tsom cuentaꞌ na majndeꞌ ndoꞌ matsijndaꞌ o tsom na cotyuiꞌ na tomacoꞌ. Cjaꞌñjaꞌ Batsꞌiaⁿ cuenta nꞌaⁿ na coꞌo cuicheⁿ tyua xjeⁿꞌñi nnde̱ nñjiꞌ ñꞌom na ꞌu tyiꞌñjiꞌ.
5) Na coñiꞌma ndoꞌ na conui nasi. Batsꞌiaⁿ na matyijndi nꞌaⁿ, machꞌehaꞌ tsꞌiaⁿ na ya nntyijndihaꞌ ꞌu cui cui xue Tyua Nandye. Ya
nntyijndihaꞌ na ncjaꞌqueꞌ na nntsiꞌnaꞌ ñomtsco, inglés, taxjeⁿ ya nntsiꞌnaꞌ ñjaꞌnaꞌ tsꞌiaⁿ na ya nntsaꞌ. Tsixuaⁿaꞌ nom na ñjo ngue ꞌna nꞌa nasi naꞌto ya nncjaꞌ na nnui nasi ꞌu mina tyiꞌxuaⁿꞌ seguro ndoꞌ cje cuenta nntyiomꞌcoꞌ. Ndoꞌ tsixuaⁿaꞌ nꞌaⁿ na ya nntyijndi na nnde̱ nntsiniꞌ quio nꞌaⁿ tsjomꞌ. Tyiꞌnꞌue nngꞌomꞌtyiꞌ ñomtyiu, cuixeꞌ ñjaꞌnaꞌ tsꞌiaⁿ mi.
Tyuasndaꞌ tsixuaⁿaꞌ cui Batsꞌiaⁿ cuenta nꞌaⁿ na coꞌo cuicheⁿ tyua ndyo quio naꞌto na ꞌu mꞌaⁿꞌ. Cjaꞌñjaꞌ naꞌto mꞌaⁿâ.