Karakata ínka mítetarpeaka juchaari wantakwaechani
Consuladoecha Méxiku anapuecha ts’á énka waxastakata jaka Estados Unidos jarhuataati mámaru ampe kw’iripu mexikanuni ts’ï énka ixo irekaka, janhanharhikwawatiksï ts’ïmaechaeri situación migratoria, exe ampe ka ampesï jarhuatpea:
1) Sïrantaechani ínka chéeti ampe arhijka. Consuladorhuksïni úcheati pasaporte, matrícula consular arhikata ka ístu credencial ima énka marhuawaka parare votariitarani Méxiku. Ts’ïni sïrantaecharhu karanharhiati chéeti arhikwa ka jukanharhiati chéeti retratu. Ts’ï marhuawati parare jatsiani íxu Estados Unidos cuenta bancoecharhu, ístu parare p’iwaani chequeechani o parakare úaka incharaani chéeti wátsïichani jurhenkorhekwaecharhu. Ékare wékaska úrpeani ts’ïni sïranteechani peta cita ixo MEXITEL (1-877-639-4835).
2) Registro Civil arhikata. Ékare t’u mexikanueka ka chéeti wátsïichante Estados Unidos kánkorheani, úakare registrariani Consuladorhu parakat’u jinteewaka mexikanu; imani jimpo arhikwaekasïnti éska sapi tsimani nacionalidad kánkorheawaka. Ísture úaka úni tempuchani o tempunani ixo Consuladorhu.
3) Kwáp’entskwa. Mía éskaksïni janhanharhicheaka chéeti situación migratoria, míte éska t’u jatsiaska derechu Estados Unidos. K’umanchekwa Departamento de Protección arhikata kwap’entatikeni ka eyankuatikeni mámaru jásï wantakwa. Ístukeni arhistacheati wantakwa juramukataeri ampe. Ni k’urhankorheni Consuladorhu ima énka sánteru chéeneo ísï jaka parakare míteaka ampere úa ékaksïni niaraska ísku jawenani chúnt’ani chéeti ánchekorhetarhu, o ékaksï no meyamuska ampe o ístu parakare míteaka náana jarhaski chéeti situación migratoria ka náanare úpirini parare sési péent’ani chéeti jánkwani Estados Unidos; ístuksïni eyankuati na jarhaski cháari familiariicha ts’á énka jupikakata jaka o ts’á énka tsïnchetini jaka, ísture míteaka amperisï úaka ékaksïni niaraska teresmarhuni o ékare no sési nitamakorheni jarhaska chéeneo, ístuksïni eyankuati pensión alimenticieri cháari wátsïicheri ékare niaraska divorciariikorheni ampe.
4) Juramukataecha Poderes Nacionales arhikata: éka wétarhini jarhaska úani sïrantaeechani juramukwaeri ampe Méxiku ka nóre úni nirani, Poder Notarial arhikata jarhuataatikeni jimpoka i wékasïnka paraka máteru kw’iripu méxiku anapu jarhuataka úcheani sïrantaechani éska testamentuechani, contratu atarantskwaeri o pyakwaeri ampe o ístu divorcioeri ampe. Ni consuladorhu parakare sánteru sési míteaka.
5) Jurhenkurhekwa ka tsinap’ekwa. K’umanchekwa Departamento de comunidades jatsiasti káskukwaechani ts’ïma énkaksïni sési marhuacheaka Estados Unidos. Jimpokare úaka jurhenkorheani wantakwaechani español, inglés o ístu jurhenakwa ánchekorhetaeri ampe. Ékare no jatsika seguro eyankuatiksïni nani ka nanire úa p’irani tsinap’ekwa ima énka no xáni jukaparhaaka. Ístu jarhasti jarhuap’ekwaecha ts’á énkaksïni mítetaraaka náanare úpirini wantani o níntani cháari iretarhu. Ni k’urhankoreani ts’ïni jarhuatpekwaechani.
Méxiku jatsichestikeni ma k’umanchekwa consulado arhikata. ¡ni p’urhempeani!