Ja jas tsꞌijbꞌunubꞌal ja bꞌa jpukxuk-ekꞌ ja bꞌa kꞌumal jumasa` bꞌa México.
Ja oficina ma` wa sje`a ja México ja bꞌa Estados Sunidosi` wa xyalawe` ye`n oj skꞌ el-e` sok ja bꞌ a komon jumasa` ja bꞌa swinkil México, chinkan jastal ochele` kꞌ ot jabꞌa slujmalil ja Estados Sunidosi`:
1) Ja ju`un jumasa` bꞌa oj jnajuk sbꞌaje`i`. Ja oficina wa sje`a ja México, oj bꞌobꞌ wa eluk jun ja pasaporte, ma` jun matrikula ja bꞌa oficina bꞌa konsulado, oj bꞌobꞌ cho ja kꞌane` ja wa kredensya bꞌa oj tꞌojwan ja bꞌa México. Ja oxe` tikꞌe ju`un jumasa` iti` tini tsꞌijbꞌunubꞌal ja wa bꞌi`ili` sok tini nokꞌan ja wa poto. Oj bꞌobꞌ makunuka` wuj ja bꞌa Estados Sunidos bꞌa oj ajyuk ja kwenta ja bꞌa banko, bꞌa oj ja kꞌul kobrar ja wa cheque ma` oj wa och ju`un ja wa wuntikil ja bꞌa escuela. A`a el juna` sita bꞌa MEXITEL kꞌumanan bꞌa 1-877-639-4835) ta wankꞌa xmakuni` wuj junuk ja jun jumasa` chꞌakta alxuki`.
2) Ja bꞌa Oficina b’a wa x-ajyi` ochel ju`uni`. Ta tikꞌa bꞌaj bꞌa México, jaxa wa wuntikil ti manxel bꞌa Estados Sunidos, oj bꞌobꞌ wa och ju`un ke ti sb’aj bꞌa México ja bꞌa oficina ma` wa sje`a ja México, nabꞌal oj el sju`un bꞌa xchabꞌil payis. Oj bꞌobꞌ cho jakan ja bꞌa oficina ma` wa sje`a ja México ja ta wankꞌaxa kꞌana` oj jnupanani`, ja ta wanikꞌa xbꞌobꞌ ja bꞌa Mexico`a ja jastal waxa kꞌana` oj jnupanani`.
3) Bꞌa oj jkoltajanan. Na`a ke chikan jastal ochela` kꞌot ja bꞌa Estados Unidos aya` wi oj derecho. Ja oficina bꞌa oj jkoltajanani` ojni skoltaya`a`, chikani` jasunkꞌiluk ja waxa jobꞌo` ojni chꞌak aljuka` wabꞌa`. Ojni cho jejukawi` jastalni wa xtojbꞌi` jun kꞌumal ke ye`nani kajan sbꞌaj ja leyi`. Ka`ax ja bꞌa oficina ja bꞌa mas mojan wi oj wa sje`a ja México, bꞌa oj jkoltajanan ja b’a wa wa`teli`, ma` lomxta` wala` nutsji` ja bꞌa wa wa`teli` sok ja bꞌa jastal mila` tupji`i` sok bꞌa iljuk ja jastal ochela` kꞌote`, bꞌa oj le`xuk modo ta ojto kanankꞌot ja bꞌa Estados Unidosi`, ja bꞌa oficina iti oj cho koltajanan ja bꞌa jlexuk ja wa moj aljel ja ta chꞌayelkꞌa ma` yamubꞌalkꞌa`, oj cho koltajanan ja ta mi lek wala` ilji` ma` wala ixtalaji` ja bꞌa wa naji`, oj cho koltajanan sok spensyon ja wa wuntikili` ja ta jipubꞌalaxakani`, ma chikan jas ekꞌela` bꞌaj.
4) Ja Ju`un wa Xmakuni` bꞌa ma` oj ja jek pilani`: Ta wankꞌaxa kꞌana` oj waj tojbꞌes jun kꞌumal ke ye`ni kajan sbꞌaj ja ley ja bꞌa México pe mi xbꞌobꞌ wajan, oj kꞌe`uk ja ju`un iti ja bꞌa mi we`n tꞌilan oj wajani`. Ja Ju`un wa Xmakuni` bꞌa ma` oj ja jek pilani`, jani xchol ke pilani ma` oj ja jek ja bꞌa ye`n oj yil ja wa testamento ma` bꞌa ay jas oj ja chone` ma` ay jas oj ja mane` ma` bꞌa oj ja jipkana` bꞌajex. La` ja bꞌa oficina wa sje`a ja México bꞌa oj aljuka` wabꞌ ja jas oj ja jobꞌi`.
5) Bꞌa snebꞌjel ju`un sok bꞌa lek oj ajyan. Ja bꞌa oficina wa xyila` ja komon jumasa`, ay yi oje` programa ja bꞌa oj bꞌobꞌ skoltaya` ja bꞌa Estados Unidosi. Oj bꞌob sle`e ma` oj sjewi` español ma` ingles, oj cho sle`e` ma` oj sjewi` jastal oj nebꞌ jun a`tel. Wa xcho snawe` bꞌa oj ochan konsulta`a a`ma meyuka` seguro, mini jel karo oj ja tupa`. Cho ay yi oje` programa bꞌa oj ta ja wa luwar bꞌa manxela`i`. Jel stꞌilanil oj chꞌaka` jobꞌe`.
¡Tila` jaka`! Ja México, ay yi oj oficina bꞌa oj skoltaya`.