NAWESALI NATÉAMI IKIWIPO RARAMURI RAICHIKA JITI SINEAMI AKÉMA
Ojisina Consulados Mexicanos a jáwali waluala kobierno jemi omáana kawí México nuráami bo’ómi Estados Unidos:
1) Ke kawélipo nakú eenami nocha,kámi ko pereami ke, noli a buyanába oselí simíaka ojisina consulado,chimí tabo oselí risensi pasaporte ayénacho matrícula consular, jiti echi oselíti uméroma machí awáa kipu oselí credensiali echi náti a uméroma si nijía kipu boto kipu kawí México,na bikiana oselichi alá machiná aní kipu rewalá ali kipu chualá atiami cho ju,we iré ali natéma bo’ómi Estados Unidos echi oseliti a karewáma erápika cuenta bancaria, nakulíwa omá cheke echi náti natétisiwa,a ompáma echi oseliti mo’ayá sukuelachi kipu kúchuwa, bachá ra’ichika buyanási natéami oselí, teléfono ko ju; MEXITEL (1-877 639 48 35).
2) Oselichi ro’aba kuuchi rewalá; iyéla kawí México awíami nisa ko,nóli a sawisaa o ranésa bo’ómi Estados Unidos, we risensi ju kiti oselichi registraripo mexicanos ka amí ojisina Consulado jiti a nima americanos alí mexicanos kipu kúchuwa chimí eenami nóchali a niwínilisa muki rejoí a niwítipo chimi ojisina Consulado, chimi buyánipo oselí kiti alá natéma jemi kawí México.
3) Suwába ala riwiipa ; suwaba a níwa risensi derechos bo’ómi Estados Unidos ala riwiipa kipu risensi derechos, we nakuuri Ojisina Departamento de Protección choná iyába wiká ra’íchali busuré, simási chimí ojisina Consulado,chimi iyába ra’ichali mapu náti nimípa,jaré ke natétisiwa kipu nóchali, ke ala mesa wenomí, a kuíripo kipu oselí buyána jiti ala wachía oselíwa nochába ami bo’ómi Estados Unidos. Isini ke machisaa kámi muchúwi kipu témuala,isini pe eta mochísa,isini karua olásuwa mapu oná nócha,ali newalésa kowaami kipu kúchuwa ayéna we kuíripo karéwa pension alimenticia, ke chibi re ku rojása ko muki rejoi yua.
4) Poderes Notariales; A karewipo ra’íchali jemi kawí México, a mi siméa,ke umérisa binoí simiká karéwa, a julába kipu témuala oselíwa poder notarial, echi kitera we umerima karéwa bitéami ali natéami raíchali, a ompáma newayá testamento, ralayá alí nalinéwa namuti, karewa divorcios, simíaka ojisina Consulado mapu jáwi chimí mulipi.
5) Bineríwami alí ôwiwami: We nirú bilecho ojisina mapu oná we kuíriwi cho Departamento de Komunidades aniliami, choná we nirú programas kuírili jiti ala rejólipo chimí Estados Unidos; choná we binébo kastia alí ingles ra’ícha,ayéna binébo wiká nóchali newayá, alí ruyéba kámi oméa we nayúsa ko ke me natéka,alí chiliwéba wiká kuírili ayéna ompáma kipu témuala yua ra’ícha mapu meká rejówa.Nárika sébali kuírili kitera we nési.
Jáwami México nulaami a jáwali ojisina Consulado omáana ¡¡Chimí we mulíwisi!!