Jiostei, Mexicopo juebena nokpo nokwaka, into bitwaka chibesta bawaka ya’ari.
LOS CONSULADOS DE MÉXICO EN ESTADOS UNIDOS OFRECEN LOS SIGUIENTES SERVICIOS A TODA LA COMUNIDAD MEXICANA EN ESTE PAÍS, SIN IMPORTAR SU SITUACIÓN MIGRATORIA:
México, nación bwiara betana, jume cónsul ya’arim tata’abwi nacionim bel le’ekatana aman bittuarim, si’ime inikaa tu’uwa ya’arita emo betchi’ibo jippue, inim omot naciompo, kaa ju’unebaekai, jaisa empo aman kibakek em aman yepsaka’apo.
1) Documentos de identidad:
Jiosiam em jabesatuka’u teuwame
Jume cónsul ya’arim joka’apo, tui’si empo omot nacioneu bicha em ae wene’u a’aune, into a maktune, juna’a into ket jinaikiame aet ya’aritune, junae beja, empo tuisi ae botaroane, Mexico bwiarapo. Inimee baji jiosiam, em team yumaisi jippu’une, em pujba jiosiapo machisi ya’arimake, tuisi ee betchi’ibo tu’ine, inim estados unidos naciompo, bankopo tomita em jippunepo amani, cheketa em ae tomi ya’anepo amani o em usim yee mastawa’apo am jiosteneepo amani, junue betchi’ibo taewata yeu pua aman wee betchi’ibo, um MEXITEL (1.877-639-4835) si empo inime’e jiosiam wata’ateko.
2) Registro civil:
Yeu tomteme jiostewa’apo
Si empo, Mexico nación bwiapo yeu tomtilatuko, bweta jume em usim into estados unidos naciompo yeu tomtilatuko tuisi empo am jiostetebone, mexico naciompo jomem benasia jum consulao kateka’apo, junuen beja nawit nación bel le’ekatana ta’ena, into eiyana. Junuen kechia empo tuisi consulado weene, jupbaeteko, junuen beja ket mexico bwiarapo yeu tasti machine, into ta’ena.
3) Protección:
Suuana
Au’e wate, jaisa em aabo yepsaka’apo amani, estados unidos bwiapo, empo ket amemak lutuuriam jippue, bweituk juu yaura katekame yee a’ania into yee tetesjoa, juebenak betana ayukamtabetena, into tuisi enchi bo’ota makne, tua jun yoi yaurata betana, em aniana’apo amani.
Amane noite consulao kateka’awi, che’a kaa eu mekka, em aet tesjoanaa betchi’ibo tekilta betana weyemta ju’uneiya betchi’ibo, jume tekilta u’urawakame, kaa ju’uneaka tawakame, kaa bem ju’uneapo amani o bem koba’u kaa bem beje’etuawaka’apo, into ket bem juuneiyanaapo bem estados unidos bwiapo joanepo o ama bem tuisi anneepo. Junukaa bo’ota bem juuneiya maktunaapo amani, junuka’a aa tu’utewapo, yoi yaurapo amani. Junuen beja bem wawaim am jariune’u emo ta’arulam o bwisrimtaka etaim, into kee teuwaka into kaa juúneiyawa. Into ket wawate kaa tuisi nakwaka, into omtawaka bitwame, o bem joarampo, tekilpo kaa tuisi bitwame, into ket jume jamuchim wo’otawaka kaa bem usim aniariawame divorciaroasukai, juebenak aukaapo amani.
4) Poderes notariales:
Notariom tekil utte’a
Empo Mexico bwiapo, senu weyemta yoi leypo lula tu’utebae’eteko, taa empo kaa aman weye’eteko ini’i notario teame aa enchi ania, bweituk ini’i notariota utte’a, em teampo, tuisi enchi jita tu’uteriane yoi leypo lula, testamentom betana, yoi nokpo lula em nok yecha’i, jita jinuwamta betana o yoi leypo lula emo jujup wo’otawapo betana. Consulaoweerukte, siimeta em kaa aet ju’uneau machisi ju’uneiya betchi’ibo.
5) Educación y salud:
Yee mastawamta betana into kaa ko’okoeka Jiapsiwamta betana.
Estados unidos, nación betana, kari ya’ari juebena tekilim weiyame, ee betchi’ibo tutu’im em amea jiapsinee betchi’ibo, juname’e enchi ameu yeu tojine yee masta Karim mewi, em mastatune’epo amani, taabwi nokta, into ket wate tekilta betchi’ibo enchi mastane.
Into ket am jippue jume team jaksa em a emo jittoteeboneepo amani, kaa seguro taa jippueka juni’i, into kaa beje’ewapo.
Into ket ayuk em aniana’apo, jaisa em jome’e betana eu nokaka juuneiyanaa betana, junuen amani bamsekai inie si’imeku betana nattemaine.
México, consulaota jippue eu kaa mekka. ¡Au ee, noite!