Tzeltal
Ayej yu’un lok’ombaetik te ya yich’ pukel ta sk’op yaiyej bats’il antswiniketik.
Te snail pas junetik yu’un Mejiko ta yan lum ya yak’ik te bina ya xtu’un jku’untik ta spisil te komunal yu’un Mejiko, le ta bay lumto, chikan bi swentailuk te ya xk’axik be’el ta yan lume.
1) junetik yu’un bay jajch’emotiktel. Ta bay snail pas junetik ya xu’ a’ta sjunal yu’un ya stak’ ya xk’axat be’el ta yan lum, sjunal yu’un ya yak’ ta ilel te kuxulatix ta bay yan lum, sok ya xu’ ak’an sjunal yu’un bay jajch’emat yu’un ya stak’ anajk’an te mach’a ajwalil ya amulan xil ta Mejiko. Ta yoxebal te junetike le’ me nakal a’te abi’ile sok te sjol abi’ile soknix te asit awelawe. Ya stak’ xtu’un awu’un le ta bay yan lumto yu’un ya je’ ta bay snail yawil tak’in te bit’il ya xu’ atu’untes te atak’ine, yu’un ba ya alok’es atak’inabi o ya atojbey te k’alal ya awotses ta nopjun te anich’ane. K’ana te bi k’alil ya stak’ xk’oat ta bay MEXITEL (1-877-639-4835) te me ay ya xtu’un awu’un te junetiktoe.
2) Snail snak’anel bi’ilil. Te me mejikana o mejikanoate sok te anich’nab te me bek’aj ta yan lume, ya stak’ mejikano yich’ najk’anbeyel te slumale ta bay snail pas junetik; jich’, ya yich’ik cheb slumalik. Sok ya stak’ xtalat ta bay snail pas junetik; te me ya ak’an xnujbinate jich’ yu’un te nujbinele yakuk xtu’un ta bay Mejiko.
3) Kanantayel. Ya me sk’an anaik stojol chikan bi swentailuk te ya xk’axat be’el ta yan lume, ay me bi ya stak’ apas le-a. te snail koltayele ya skoltayat sok ya xcholbat ta yantiknax sk’oplal. Soknix ya stak’ stojtesat ta lekil k’opetik te ts’ibubilix ta junetike. K’oan ta bay snail pas junetik te nopol aye’ yu’un ya awich’ cholbeyel sk’oplal yu’un bit’il ay te at’eliletik sok te tenel te mayuk sk’oplale. Sok te ay mach’a ma’ ba tojbilike, ilel ta lek te mach’a ya xk’axik be’el ta yan lum. Yu’un me yich’ ak’el nael te me ay yan be yu’un ya yich’ ilel te jayeb k’a’al ya xk’oat ta yan lume; sle’el patxujk’ te tsakbilik sok te ma snaik ba ayej; ya me yich’ ilel xa’al te mach’a uts’inbilike sok mach’a uts’inbilik yu’un smamlalike; yak’el welil yu’un alnich’aniletik k’alal ya yijtey jilel yinam te winike, sok xan yantik.
4) Sjunal koltayel yu’un bina ya xtu’un jku’untik. Te me ya ak’an ja chajban lekil k’op-ayej ta Mejiko janax yu’un ma xu’ xba’at, ta bay koltayel yu’un bina ya xtu’un jku’untik ya stak’ skoltayat. te snail koltayel yu’un bina ya xtu’un jku’untik ya yak’ te ay mach’a ta Mejiko ya sjelteyat yu’un ya xchajban k’opetik jich’ bit’il yaljibal te bit’il ya yich utel jbiluk, sk’anel yu’un manel-chonel sok te ya yijteysbaik te anst sok winike. Ba’an ta bay snail pas junetik yu’un ya xcholbat te bina ma a’na-e.
5) Bijtesel sok skanantayel bak’etalil. Te chajbalchajb kumunaletik ay bi xchajbanoj te ya xtu’un awu’un ta spisil ora ta akuxlejal ta yan lum. Ya stak’ yotsesatik yu’un snopel kaxlan k’op, sk’op yan lum, soknix ya snobesat yu’un te at’elile. Sok ay me snak’anobeyoj sbi’il yantiknax te bay ya stak’ awich’ ilel yu’un poxteywanejetik manchuk te me mayuk ajun yu’un poxtayel sok pek’elme stojol. Soknix ay me koltayel yu’un ya yilat sok ta akomunal te bay jach’ematele. Ma me xa muk ta awot’an ta sjok’iyel yu’un spisil te bina ya xtu’un awu’un.
Mejiko ay snail pas junetik yu’un nopol ay ta atojol ¡K’oan ilawil!